O
|
om Kloas het ook nog familie, ain twijlingbreur of zo,
mor doar kin de beste man op zien zachtst zegt nait zo best met opschaiten...,
dat is echt ain familievete. "Jan" zo zee oom Kloas poar doagen leden
toun hij in 't laand was, "Jan, ik heb ain gruwelijke pesthekel aan dij
man doar uut het nog hohohogere Noorden." "Dij kerel zit mie oal in wege."
En dat kin ik wel ain beetje begriepen. Santa Claus, zien
breur dij zich ain Duuts/Finse noam het aanmeten (en tegenwoordig ain populaire
bink is in the Steets) - in 't echt hait hij gewoon Gerrit- zit oom Kloas
geregeld in 't voarwotter. Mit zo'n stel rendairen, zittend op zien arreslee slingerend veur oom Kloas zien stoomboot goan hangen is ook nait echt tactisch. Op dat slingeren kom ik nog op
terug, want dat het een oorzoak..
En hou dat zit met dat slingeren? Das hail ainvoudig.
Rudolf, ain biedehante rendaier van Claus (GERRIT, daarde keer!), is constant
bezopen van de gegiste appels, dij hom in dizze tied veurzet worden as vouer in
Zweden. Gain wonder dat dat beest ain rooie neuze het! As wie miensen ain slok
of ain, twij, drij ophebben kriegen we ook as vanzulf ain rooie neuze. Haifst
echt niks bezunders veur te doun.
En Claus loat dat mor tou. En dat steekt oom
Kloas. Mor dat is nog nait het aargste.. Woarom hebben baide breurs nou roezie
will'n je waiten.. Dat goat hail aarg daip. Ain veurbeeldje. Baide mannen hebben es ain keer mitdoan
aan 't programma "Worlds Best Childrens Friend" of zoiets. Het
volgens mie op SBS Niks west.
Oom Kloas docht dat hij dat progamma wel eem met twij vingers
in neuze won. In Nederlaand lukte hom dat ook oardig; behalve dan in de
provinsie Fraislaand, woar ain aander hom 't gras veur de vouten wegmaaide.
"Dij Piter krieg ik nog wel" het oom Kloas mie toun SMS't.
Dat
klopte... Pitertje het allenig in Grou nog wat aanhangers en mag zien feessie
ook pas op 21 febrewoarie vieren, as oom Kloas (en dij aander) 't laand oal
laank en braid weer uut is. Ook kreeg oom Kloas nog wat stemmen uut België,
Duutslaand, Luxemburg en wat aandere landjes, mor 't hail nait over. Elke keer
doarnoa was het "oom Kloas, zeeroo poewaints" en bie dij dikzak uut
het hoge Noorden was't "Doeze poewaints". Man, man wat was oom Kloas
narig! En haildail toun ik zee "mor oom Kloas, het is toch mor ain
spelletje?" Oom Kloas ontplofte zowat!
Mor ja, wat wilst ook. Santa het ook mooi veur mekoar met
ain sponsorcontract van een bepoald maark frisdraank. En as dan om 't kwartaier
elke keer de recloame met dij vrachtwoagen tussendeur komt.... beetje
deurgestoken koart.
Nou snappen je ook woarom er in Nederland bordjes binnen
woarop stait verboden veur de kerstman. Want dat is Gerrit! En dat is mor goud
ook, want oom Kloas en Claus ("GERRIT, JAN!!!") deur ain deure, dat gait nait soamen!
PS Volgens mie zit Oom Kloas mien verhoaltje wat te
verklooien! Nou kinnen je zain hou hij oal over de rooie gait bie 't zain van
de noam van dij dikzak!!
Om nog eem terug te kommen op Fraislaand.. Doar is ain dörp dij
wat tiepelzinneg is mit oom Kloas.. Want wel zien dörp Sint Nicolaasga nuimt of
op zien Frais Sint Nyk, nou dan waiten je ’t wel, dat geeft verwarring. ’t Loatste bekt populair, dat is
van wie binnen de grootste vrunden, mor de noam in ’t Hooghoarlemmerdieks
spreekt het weer tegen. Tja.. net alsof ze doar in ’t dörp nait ains binnen mit
mekoar.
Geen opmerkingen:
Een reactie posten