I
|
nains kreeg ik van de week
telefoon. Oom Kloas aan de lien. Haildail ontredderd belde hij mie, dat hij
overwoog der mit te stoppen.
Nou was dat telefoontje eigenlieks
nait verwacht, want het contact met oom Kloas was wat troebel worden. Hij het
mie bieveurbeeld gain cadeau in schoun stopt veurig joar. Meneer was kwoad over
mien onthullingen.
Tot gusteroavend. Snikkend
vertelde hij mie dat hij eigenlieks gain zin der meer in had en de haile biznis
mor over wilde doun aan breur Gerrit,
beter bekend as Santa Claus. Hij zag het
nait meer zitten om als holten Kloas elke keer zien leven te riskeren, deur mit
ain peerd op glibberige doaken te balanceren om cadeaus veur kinder in schösstainen
te mikken.
Want hij haar klachten kregen. Ain
keer omdat moe vergeten was om het vuur in de open heerd uut te moaken, zodat
de barbie dij leutje Ellie zol kriegen, overbleef as ain verkoold stukje
plastic. Pa op moe kwoad, moe op oom Kloas en leutje Ellie ontroostboar in
troanen.
Ain aandere keer was ain pa vergeten om de schösstain te loaten vegen,
zodat Henkies brandweerset van Pleemobiel vast kwam te zitten en het huus op fikte.
Brandweer zulf haar grootste lol tiedens het blussen, Henkie iets minder. En
verzekering wol ook nog ains nait betoalen!
En dan hebben je ook nog het
probleem dat mainste huuzen tegenwoardig centroale verarming… eh verwarming hebben.
En as alle deuren van ’t huus potdicht zitten, dan mout oom Kloas wat. Wat
vervolgens het probleem geft dat je dan deur de politie as notoire inbreker
zain worden….
Oom Kloas het oal hail wat
uurtjes rondbracht in ain koamertje van anderhalf bie twij meter. Om dan mit
ain schimmel opgesloten zitten, dat is gain pretje, kin ik joe vertellen.
Veural nait as dij verrekte knol, eh dat beest, eh daaier, tien kilo aan wórrels
opkauwt het. Dan liekt dat koamertje van
anderhaalf bie twij meter inains op een aander klain koamertje…
Toun oom Kloas ains een keer wat
van dat geurige roekeroek bie zich haar veur de toiletpot, werd hij deur de
politie ook nog ains verdacht van het bie zich hebben van verboden woapens. Nee, dat Sinterkloas speulen
gait joe nait in de koale kleren zitten!
“Mor het aargste Jan, is dat er
klachten binnen over mien personeel” barstte oom Kloas in troanen
veur de telefoon uut. “En nou hebben dij almoal last van ain identiteitscrisis van heb ik joe
doar! Ik kin het nait meer aan!
Volledig overstuur vertelde oom Kloas
dat de verschillende Pieten nait meer mit elkoar deur ain deur kinnen. Zwaartmokkerij
onder de Pieten is aan de orde van de dag. De aine Piet speult de aandere Piet
de Piet tou (dij er natuurlijk niks met te moaken het) en tot overmoat van ramp
binnen sommige Pieten ook nog in stoaking, omdat oom Kloas volgens hen hun
veuls te gevoarlieks waark loat doun.
Je zollen mor ains met zak en oal achter
ain dakgoot blieven hangen. Vreselijk pienlijk (aan de zak), vreselijk genant as joen broekje scheurt is - want mit dit koale weer is dat gain pretje - en de brandweer de
grootste lol want ja, zo’n Piet in zak en as, is ain leuk verzetje..
“En dan binnen er ook nog Pieten,
dij uut de kast kommen binnen” snipte oom Kloas . “Vrouger, joa vrouger was ’t
makkelijk. Piet was zwaart, ook al leek hij verdacht veul op oom Willem. Mor
tegenwoordig… De aine Piet wil as ain regenboogje deur goan, de aander vuilt zich
ain stroopwoafel en weer ain aander is inains kunstenoar en tovert ain
Mondriaantje op zien gezicht.” “Ook heb ik nog te moaken met Pieten dij versloafd binnen
worden aan de rook van dieselauto’s” snötterde oom Kloas onverminderd deur. “Ze
mozzen beter waiten! Dieselrout kinnen je beter nait op joen gezicht kinnen
smeren.”
“Jan”, zei oom Kloas, “Ik heb het
te pakken van oal dizze problemen, dat ik aolgeduurig de dag van de bisschopswien
heb zitten te nippen! Ik bin eerguster zowat met peerd en al de sloot in belaand!
En de politie was er wéér bie en het mie oppakt wegens openboar dronkenschap! Ik
was mor al te bliede dat mien peerd gain twintig kilo wórrels het had!”
“Nee, as ’t zo mout, dan heb ik der gain zin meer in. Dan kin stoomboot richting oaldiezerboer,
mien schimmel veur oaltied op stal bie oom Loeks en hang ik mien tabberd aan de
wilgen. Ik goa lekker aan de daikiri in Torremolinos.”
Ik haar het te doun mit oom Kloas. Zo kende ik de oal boas haildail nait. “Wat goan je dan doun met de Pieten?” vruig ik
hom. “Tja” zei oom, “tja. Wellicht dat ze bie PostNL aan ’t waark kinnen.
Ze binnen tenslotte reuzegoud met het inpakken en bezörgen van pakjes. En aans
mout ik ze de WW insturen.”
“En ome Gerrit, kin dij ze dan nait bruuken?” vruig
ik besmuikt aan oom Kloas. “Nee mien jong, dat gait nait”
bromde Kloas. “Ten eerste wil hij dat gedou met de Pieten nait en twij het
meneer elfjes aan de arbeid. En mien schimmel wil hij ook oal nait, want dat geeft
teveul aanslag op de arreslee. En dan hebben we het mor nait om over de rendaaier.”
Körtom, oom Kloas haar het
haildail eem had met veur goedheiligman speulen.
“"Mor de leutje kindertjes dan?”
vruig ik oom Kloas veurzichtig, “Wat mouten dij nou?”
“Zij hebben hun schountje zet en
verwachten dat joe kommen. Vol verwachting klopt dat hartje van ze, dat ze ook dit joar iets van de Sint
wat kriegen!” “En”, zei ik, “ain kinderhaand
is gauw vult.” "Hmm, mor dij cadeaus dij de snötneuskes vroagen worren duurder en duurder" bromde oom Kloas. "Nog eem zo deurgoan en dan ben ik failliet! En dan mout ik mien touvlucht zuiken tot ramkroaken. En doe waitst wat dát betaikent!"
Ja, doar haar oom Kloas wel geliek in. Mor ik dee nog mor ains een poging om hom om te proaten. “Denk ains aan Henkie,
dij ain stoere Yo-kai horloge vroagt het, of leutje Leroy, dij hailemoal bliede van de star
wars Lego wordt. En Aïsha dan, dij zo groag
ain Frozen snijpop wil, of Binky, dat wichtje dij zo goud op joen peerd oppast het en nou gek op Lalaloopsy is? Willen
je dat jonge grut dan zo teleurstellen? Het is toch ain feest veur de kinder en het
mokt joe toch nait uut welk kleurtje kindertjes hebben?”
Geen opmerkingen:
Een reactie posten